What I Know It’s About Experience

Non-Wise Decision

بالامس بعد المغرب مباشره وصلني اتصال من شركه تعمل على خدمه احد شركات الاتصالات الجديده  وعندهم مشروع تركيب DataCenter من الالف الى الياء ومن ضمن الشغل طبعا تركيب سيرفرات DNS لاحظوا اني قلت سيرفرات وليس سيرفر وهذا يعطيكم لمحه ان الشبكه كبيره  المهم المطلوب مني كان اركب واختبر مستوى السكيوريتي فيها فا قلت اوكيه انا جايكم بالطريق اخذت العده ( لابتوب+دفتره النوتس ) واتصلت على صديق لي اعمل انا وياه مع بعض بهالمجال ورحنا لهم نشوف وش المشكله وكيف نقدر نساعدهم فيها وصلنا عندهم وهم حايسين وبين انهم مضغوطين من العمل بعد التعارف جلسنا مع بعض بغرفه وطلبت الـ Network Digrams و Project Plan عشان اشوف وش المطلوب بالضبط وبدانا بالحديث طبعا كانوا طالبين نسوي اعدادات الـ DNS كاملة و نختبر مدى سرعه استجابته واستقراره ونختبر مستوى حمايته من الالف الى الياء فقط باربع ايام.

طبعا اول ماقالي 4 انا فكرت انها يعني بعد اسبوع اسبوعين اجهزه نفسي وانا وصديقي ونجي نشتغل جاهزين قالوا لاء نبيكم تشتغلون من اليوم قلت الشغل مايدار بهالطريقه مافيه شي اسمه تركب وتسوي اعدادات واختبار استقرار النظام ومدى حمايته و تقرير بنتيجه العمل كله باربع ايام .. قلت احنا استشاريين محنا بسحره قلت على طلبك هذا يبي لك 4 اشخاص متفرغين يشتغلون عندك طوال الاربع ايام هاذي بدون انقطاع هذا اذا فرضنا ان كل متطلبات تنفيذ العمل متوفره ومافيه حركات كلم فلان وعلان عشان توصل لشغله معينه. بالاخير قالي كلمه تمنيت انه ماقالها .. قالي مهوب لازم تسوي الشغل 100% عطني اي شي امشي فيه شغلي طبعا ردي عليه كان لاء هذا اسمي ياحبيبي يا اسوي الشغل صح اولاء.. واستمر النقاش لساعات ماطلعت من عندهم الا 10 ونص وانا جايهم 6 ونص طبعا خلال هالنقاش الطويل قلت له بالاخير شكلكم متاخير بتنفيذ المشروع قالي لاء مو كذا القصه .. القصه ياعزيزي ان الشركه المفروض تبداء بالعمل بعد 3 شهور ؟؟ وتفاجئنا بامر يطلب بانهاء المشروع نهايه هالشهر ؟؟ قلت مافيه خطه للمشروع متفق عليها قال الا فيه... قلت اجل .. قالي ان العميل طلبه كذا ومصر على هالشي ومانقدر ناخر الموضوع ولا ساعه.

فا استغربت مع العلم ان فيه ناس كثير تسوي هالحركات بس على مشاريع صغيره بس موب انشاء شبكه كامله لان اللي اخذ مثل هالقرار التعسفي مفكر انه بضغط هالعمل راح ينتهي المشروع وتشتغل الشركه كامله بس مافكر بجوده العمل مافكر بانه الشغل اذا خلص باسرع وقت  ممكن راح ياثر بشكل سلبي على جوده العمل وراح ياثر على صورته وسمعته قدام الناس كا مزود خدمه. ممكن البعض منكم يقول كيف راح تاثر !! في التقنيه والشبكات مشاكل الجوده ماتظهر الا وقت الاستخدام المكثف فانت لما تضغط المهندسين والاستشارين عندك خلص الشغل يله راح يمشيه بحيث انه يشتغل فقط بس مايضمن لك استمراريته وبالتالي اذا بداءت تسوق نفسك كا مزود خدمه وبدء عدد العملاء عندك يزيد بشكل كبير وطلعت لك مشكله تاثر على عملائك راح تاثر على سمعتك بشكل سلبي والانطباع الاول مثل ماهو معروف دائما يبقى وعشان تقدر تمسح هالسمعه من اذهان الناس تحتاج لمضاعفه العمل ودفع مبالغ اكبر لاصلاح الموضوع واسترجاع ثقه العملاء فيك كا مزود خدمة .. بينما لو انتظرت لك 3 شهور وطلع الشغل صح وسوقت نفسك وكان مستوى خدمتك مستقر ويفتح النفس راح تزيد من دخلك كا شركه لان الناس تبداء تثق فيك وسمعتك تبداء تنتشر وبهالشكل تبداء تملك حيز من السوق بوقت اسرع من المتوقع لانك كسبت ثقه الناس .. بس مادري كيف بعض العقليات الاداريه تفكر ؟؟ معتقد انه اذا خلص الشغل خبصه بيكون افضل مافكر انه تكلفه اصلاح هالخبصه بشبكته بعد مايشتغل فعليا اعلى بكثير من تكلفه انتظاره 3 شهور .. لانك راح تدفع لشركات تجي تصلح لك المشكله وراح تدفع دعايات لكسب ثقه الناس مره ثانيه وحجم الدعايات بيكون مضاعف لانك جالس تحاول تزيل الانطباع الاول من اذهان الناس وهذا الشي ماهول سهل.

بس تبون الصراحه بعض الاحيان المشكله تكون مشتركه بين العميل وبين الشركه اللي جايه تقدم خدمه للعميل  بعض الاحيان كلا الاثنين تنقصهم الخبره في اداره المشروع يعني فيه ناس ماعندها الخبره الكافيه انها تقدر كم تحتاج من الوقت عشان انهي هالمشروع ؟؟ تصدقون قد شفت مره خطه مشروع مطلوب فيه تجهيز 20 جهاز مع تركيب نظام التشغيل واختباره هل هو يعمل او لاء  بدون مشاكل فنيه بيوم واحد بس !! ( وجهه يصيح ) و بعض الاحيان العكس تلقى الشغله ماتاخذ يوم وتلقاه حاجز اسبوع لها ؟؟ يعني مافيه حل وسط يا يحجرك بزاويه يا يعطيك وقت لدرجه انك تمشى فاضي ماعندك شي. كل اللي انا ابي اقوله يا عزيزي المدير اوالمسؤول خطط صح ترتاح واتفق مع الشركه اللي تجيك والزمهم بوقت محدد من البدايه وحط شروط جزائيه اذا صار فيه تاخير بالموضوع عشان تجبر الشركه بانها تلتزم بالمده الزمنيه المتفق عليها فقط. يعني موب تعطيهم وقت ويجهزون نفسهم على هالشي تجي انت اخرتها وبنص المشروع تخربها وتختصر نص وقت المتبقى لا وتبي المشروع يكون زي الساعه .. هاذي اسمها شين وقوي عين

وش رايكم انتم بمثل هالناس؟