What I Know It’s About Experience

UAC security flaw in Windows 7 beta

 نزل خبر اليومين اللي راحت  بالاانترنت بعنوان  UAC Security Flaw in Windows 7 Beta  الخ الخ .. طبعا انا حالي حال اي شخص متابع ومهتم بالتقنيه شدني الخبر فا بديت اقرى  و حملت السكربت  بجهازي لتجربه الثغره كما  يقال عشان اشوف هل فعلا بيعطل ال UAC والمستخدم نايم في العسل مايدري ولا كيف ؟؟ المهم بعد ماحملت السكربت وشغلت فعلا قام بتعطيل الـ UAC بدون اذني بس  الـ Action Center بويندوز 7  وبنفس للحظه طلع لي تحذير بانه تم تعطيل الـ UAC وانه لازم اعيد التشغيل  الجهاز لاكمال عملية تعطيل الـ UAC طبعا تجاهلت الرساله وبديت اتحرك بالنظام بحريه وبدون ماتطلع لي اي رساله UAC !!

طبعا في  لحظه فكرت انه فعلا عيب ولازم مايكروسوفت تصلحه بس بعد التدقيق اكتشفت انها لا عيب ولا ثغره ولا يحزنون اصلا الناس كانت تشتكي من UAC بفيستا وكانت تطالب مايكروسوفت بانها تعطي المستخدم حريه اختيار مستوى الحماية اللي هو يبغاه .. وفعلا هذا اللي صار بويندوز 7 الـ UAC موجوده بس المستخدم له حريه  الخيار  والتحكم بمستوى حمايه الـ UAC للنظام  والاعدادات الافتراضيه للـ UAC وسط بويندوز 7 يعني ماينط لك  بشكل متكرر مثل الفيستا .  فا سبحان الله ارضاء الناس فعلا غايه لا تدرك .. ايام ماكان UAC بشكل افتراضي على  اقصى مستوى حماية كانت الناس تبحث وتسال كيف يتم تعطيله لانه مزعج ؟  والان لما ترك لهم الخيار واصبح بشكل افتراضي غير مزعج  قالوا لاء هاذي ثغره وبتخلي النظام مفتوح بدون حمايه ؟؟  مع العلم انا اشوف ان الخبر معطى اكبر من حجمه لانه اولا عشان يتم تشغيل السكربت او البرنامج اللي بيعطل ال UAC لازم يكون المستخدم مسوي شي بنفسه يعني ضاغط على برنامج مايعرفه منزل سكربت بجهازه ومشغله وهكذاا .. بالاظافه الى انه في حالة تعطيل خاصيه UAC راح تظهر لك رساله  كبيره تقريبا حجمها نص التاسك بار يعني مافيه امل تقول ماشفتها مفادها ان الـ UAC تم تعطيلها ولابد لك من اعاده التشغيل .. فابالتالي المفروض المستخدم اول مايشوف هالرساله يعرف ان الموضوع فيه شي مو مضبوط .. واخيرا وليس اخراا .. بامكانك رفع مستوى UAC الى اقصى شي وبالتالي راح يكون عندك مستوى حمايه عالي ولا برنامج ولا سكربت بامكانه تعطيل او تعديل على اي  اعداد بنظامك بدون  ماتسمح له وتضغط على متابعه. ( وهذا انا اللي مسويه بجهازي لاني ماستخدم انتي فايروس).