What I Know It’s About Experience

Preview Portable Ubuntu

البعض منكم يعرف انه الاصدارات الاخيره للينكس يوبنتو بالامكان تثبيتها كا برنامج في ويندوز واذا حاب تستخدم لينكس تعيد التشغيل وتختار من البوت لينكس يوبنتو والفكره طبعا اعجبت الكثير وانا اولهم لانها فرصه للي خايف انه يستخدم لينكس يجربه وهو مطمن انه ماراح يحوس شي او يخسر شي بجهازه يعني بالاخير بامكانك ازالته من اظافه وازاله برامج اليوم انا جايب لكم شي احلى طيب وش رايكم انه متى مابغيت تشغل يوبنتو وتستخدمه تشغله عادي كانه برنامج وبدون ماتعيد تشغيل جهازك وستفيد من جميع مميزاته تقريبا. اليوم جايب لكم Portable Ubuntu واللي بامكانكم تحميله من هنا واللي من خلاله تقدر تشغل يوبنتو وويندوز بنفس اللحظه والاستفاده من الاثنين وكانك مشغل لينكس عندك كا برنامج داخل ويندوز . وطريقه تركيبه وتشغيله جداا سهله وشغال 100 بالميه على ويندوز اكس بي الى ويندوز 7 . كل ماعليكم هو تحميله من الموقع الخاصه فيه وفك الضغط عن البرنامج وتشغيل الملف run_portable_ubuntu من خلال cmd وانت بكامل صلاحياتك على النظام يعني ادمن اول ماتشغله ويكتمل راح تشوف التاسك بار حق جنوم باعلى سطح المكتب "بويندوز" بعد كذا خذ راحتك شغل فايرفوكس شغل الشل سو اللي انت تبيه وكانك مركب لينكس فعليا انا عن نفسي راح استفيد منه بالادوات اللي انا دايم استخدمها عن طريق لينكس . استهلاكه للذاكره ماهو كثير يعني تقريبا 100 ميغا بايت اول ماتشغله بعد الاستخدام لفتره اكيد بترتفع نسبه استهلاك الرام فالافضل انه يكون جهازك مزود ب 2 قيقا رام عشان تاخذ راحتك بويندوز ولينكس واداء النظام بشكل عام كويس وبامكانك استخدامه بدون ما تتضايق من بطء الاستجابه بس ملاحظه بسيطه سوى معي كراش مرتين تقريبا مادري هل لانه ويندوز 7 وفيه مشكله بسيطه في التوافقيه او مشكله فيه بنفسه فاللي يجربه على نظام اخر مثل اكس بي يعطينا رايه ويشاركنا تجربته اترككم مع الصور